jólakærasti óskast ?????

Já, það er víst betra að vera svona í fyrra fallinu fyrir þessi jól, það er að segja ef ég ætla að finna jólakærasta.  Held að Steinu gangi þetta eitthvað betur og er hún tímanlega fyrir jólin í þessu, en hún hefur eitt töluverðum tíma í Kópavogi s.l. vikur hmmmmm!!

Ef þið hafið einhverjar tillögur um það hvernig hægt væri að finna jólakærasta þá endilega látið mig vita, ég mun skoða allar tillögur og taka þær alvarlega. En ég hef reynt ýmislegt undanfarin ár og ekkert hefur gengið (sob,sob).

Nóg um þetta, hér silast tíminn áfram og þó ég leggi mig alla fram um að taka þátt í aðhlynningu, ræstingum, og þvotti hér við þessa virðulegur stofnun finnst mér tíminn líða ansi hægt. Er búin að lesa núna 2 Agöthu Christie bækur, önnur um Miss Marple og hin um Monsjúr Poirut (örugglega ekki rétt skrifað). Alltaf klassik að lesa hennar sakamálasögur. Eitthvað gengur treglega að koma sér að því að lesa skólabækurnar. Glugga frekar í Andrés Önd syrpur en að lesa skólabækur. Tel að hægt sé að læra heilmikið af Andrés Önd, hann kemst upp með að vera mjög latur oft á tíðum en tekst alltaf að sjá fyrir Rip, Rap og Rup fyrir því. Síðan á hann yndislega kærustu sem þolir honum allt. Strákar hún Andrésína hlýtur að vera draumakærasta! Eða hvað? Síðan lendir Andrés alltaf í einhverjum skemmtilegum ævintýrum og oft er það fyrir tilstilli Jóakims frænda, sem missir aldrei trúna á því að Andrési takist einhvern tíma eitthvað.  Já, ég hef upplifað mörg ævintýri með Andrési undanfarin kvöld.

Jæja, nóg af bulli og þvaðri í bili.

kveðja Laufey

Athugasemdir

[Laufey , 17.10.2006 kl. 19:40]

Leitarskilyrði fyrir jólakærasta:

1. Aldrei að finna neinn líkan Andrési maður á að vera svona sjálfur sem sagt að komast upp með alla þessa hluti og hafa svona trúarbakhjarl.

2. Ekki leita á Thorvaldsen bar.

3. Fara í KB banka og sjá hvað hringalausir karlmenn taka útaf reikn.

4. Alltaf að vera samkvæm sjálfri sér.

5. Hugsa sem svo að jólakærastar vilja bara einhverjar jólasteikur, það kostar eldamennsku og þrif.

6. Muna að halda jólinn.

P.S. Steina var svo sniðugt að hafa jólin útaf fyrir sig, því viðkomandi fer af landi brott til Tenerife með börnin og heldur jól og áramót þar. Þarf sem sagt ekkert að elda eða að þrífa.

Hafið það sem best og sendið einhverja brandara inn á síðuna

Kveðja

Steina